Қарақалпақстан Республикасы аумағындағы жаппай тәртіпсіздіктер салдарынан азаматтар мен бизнесмендердің мүлкіне, мемлекеттік және әлеуметтік инфрақұрылым объектілеріне 3 миллиард 147 миллион сум зиян келтірілді.

18 шілдеде АОКА-да өткен брифингте Бас прокуратураның ақпарат қызметінің басшысы Хаят Шамсуддиновтың қатысуымен Қарақалпақстан Республикасы аумағында енгізілген төтенше жағдай режимі кезінде заңдылықты қамтамасыз ету бойынша қабылданған шаралар туралы ақпарат берілді.

Осы жылдың 16 шілдесіндегі жағдай бойынша жедел-іздестіру тобы жүргізген іс-шаралары аясында оқиға болған аумақтар мен орындар сарапшылар мен мамандар тарапынан жан-жақты тексеріліп, іске қатысты болуы мүмкін 550-ден астам объектілер мен заттар тіркеуге алынған.

Медициналық көмекке жүгінген 274 азаматқа тиісті медициналық көмек көрсетілген және оның ішінде 16 азамат қазіргі кезде  емдеу мекемелерінде.

Жағдайы өте ауыр болғандықтан тағы 3 азамат дәрігерлердің әрекетіне қарамастан көз жұмған.

Жаппай тәртіпсіздік кезінде зардап шеккендерді анықтау шаралары жалғасуда. Құқық қорғау органдарының қызметтік міндеттерін атқару кезінде зардап шеккен 141 қызметкері және денсаулығы мен мүлкіне зиян келтірген 16 азамат жәбірленуші деп танылған.

Қылмыс жасаған тұлғаларды әшкерелеуге бағытталған іс-шаралар аясында күдікті ретінде тартылған және белгіленген тәртіппен ұсталған азаматтарға адвокат арқылы қорғану құқығын жүзеге асыруға толық кепілдік берілген, олардың жақын туыстарына ұсталғаны және қамаудағы орны туралы хабарланғаны айтылады хабарламада.