Өзбекстан Республикасы Президентінің 2025 жыл 28 наурыздағы «Республика аймақтарында микро гидроэлектр станциялары желісін дамыту жөніндегі қосымша шаралар туралы» қаулысына сәйкес, «Узбекгидроэнерго» АҚ тарапынан Қарақалпақстан Республикасында 5 жаңа микро ГЭС пайдалануға тапсырылды.

Бұл бағытта микро ГЭС құрылысын салу және оларды іске қосу жұмыстары жоспарлы түрде республика көлемінде жүзеге асырылып келеді. Сонымен қатар, жабдықтардың жергіліктендірілген өндірісіне де ерекше көңіл бөлінуде. Атап айтқанда, «UzHydroPower» зауытында қажетті құрылғылар мен жабдықтар жергілікті жағдайда өндіріледі.

Нөкіс ауданында жаңартылатын энергия көздерін тиімді пайдалану мақсатында 2 микро ГЭС іске қосылды.
— Оның бірі «Ақтерек» махалласы маңындағы Бозатов каналында, қуаттылығы 15 кВт. Бұл станция жылына 85 мың кВт/сағ электр энергиясын өндіреді және ауылдың тұрақты энергиямен қамтылуын қамтамасыз етеді.

Сонымен қатар, «Кердер» ауылындағы «Қызыл үй» елді мекенінде, Төрткөл каналының су ресурстарына негізделген қуаттылығы 30 кВт болатын тағы 2 микро ГЭС іске қосылды.
— Бұл станциялар жылына 175 мың кВт/сағ электр қуатын өндіреді.

Бұдан бөлек, «Хожелі» ауданындағы «Саманкөл» ауылы маңындағы Суенли каналында әрқайсысы 50 кВт қуатқа ие тағы 2 микро ГЭС салынды.
— Бұл екі станцияның жылдық қуаты 580 мың кВт/сағ электр энергиясын құрайды.

«Узбекгидроэнерго» АҚ хабарлауынша, бұл жобалар жергілікті кәсіпкерлер үшін үлгі боларлық бастама ретінде қабылданған. Енді мемлекеттік-жекеменшік әріптестік негізінде жаңа микро ГЭС салуға кәсіпкерлер де белсенді қатыса алады.

Нәтижесінде, Нөкіс ауданында – 3, Хожелі ауданында – 2 микро ГЭС тұрақты электр көзі ретінде халық игілігіне қызмет етуде.

Сондай-ақ, бұл станциялар тиісті махаллаларға бекітіліп, олар өндірген электр энергиясынан түскен қаражат сол аймақтардың әлеуметтік-экономикалық дамуына бағытталатын болады.