Қазақстанның Қарағанды облысындағы «Қазақстан» шахтасынан өрт шығып жұмысшылар эвакуацияланды.

«ҚазАқпарат» мәліметінше, өртеніп жатқан «Қазақстан» шахтасынан 182 адам жоғарыға көтеріліп, эвакуацияланған. Шахтада 227 адам болған. Қазіргі таңда 45 адам қалып отыр.

«17 тамыз күні сағат 10:05-те «АрселорМиттал Теміртау» АҚ Көмір департаменті «Қазақстан» шахтасында Д6 көмір еңісін игеру барысында конвейерлік таспа өртенді. Аварияны жою жоспары енгізілді. Шахтаны желдету жүргізіліп жатыр. Оқиға орнына «Кәсіби әскерилендірілген авариялық-құтқару қызметі» республикалық орталық штабының (15 маманы мен 5 техникасы) және Төтенше жағдайлар департаментінің (8 маманы мен 2 техникасы) 3 бөлімшесі барды», - делінген хабарламада.