Австралиялық «Qantas» әуе компаниясы кибершабуылдан кейін өз клиенттеріне арнайы мәлімдеме жасады.

BBC басылымының хабарлауынша, компанияның байланыс орталығы алты миллион адамның есімі, электрон поштасы, телефон нөмірі, туған күні және басқа маңызды мәліметтері сақталған платформада «күдікті жағдайды» анықтаған.

Қазіргі таңда компания шабуылдың нақты ауқымын тексеріп жатыр. Қоғамға паспорт, банк карталары мен жеке қаржылық ақпараттардың қауіпсіз екені хабарланды.

«Qantas» бұл қылмыс туралы Федералды полицияға, Киберқауіпсіздік орталығына және Ақпарат жөніндегі комиссар кеңсесіне хабар берген.

– Клиенттерімізден кешірім сұраймыз, қателігімізді мойындаймыз, – деген «Qantas Group» компаниясының бас директоры Ванесса Хадсон.