Жорий йилнинг 1 июнидан “Qanot Sharq” хусусий авиакомпанияси Самарқанддан Истанбулга мунтазам тўғридан-тўғри парвозларни амалга оширишни бошлайди.

Ўзбекистон Республикаси Транспорт вазирлиги хабарига кўра, мазкур йўналиш бўйича авиақатновлар ҳафтада уч марта - сешанба, пайшанба ва шанба кунлари амалга оширилади. Самарқанддан учиш маҳаллий вақт билан соат 7:00 га белгиланган.    

“Qanot Sharq”авиакомпанияси 1998 йилда ташкил этилган бўлиб, Ўзбекистондаги биринчи хусусий авиаташувчи сифатида танилган .  2003—2012 йилларда компания “Ўзбекистон ҳаво йўллари” (Uzbekistan Airways) миллий авиакомпаниясидан “Ил-76” русумли самолётларни ижарага олиб, чартер рейсларини амалга оширган.    

2019 йилда қайта ишга туширилгач, “Qanot Sharq”аввал чартер, сўнгра мунтазам йўловчи ташиш билан шуғулланди.  2022 йилда компания авиапарки Американинг “Air Lease Corporation” компаниясидан лизинг асосида  сотиб олинган “Airbus A321neo” самолётлари билан тўлдирилди.    

Роман БОНДАРЧУК тайёрлади, ЎзА