ФОТОРЕПОРТАЖ

Айни вақтда “Қамчиқ” довонининг юқори нуқталарида қор ёғмоқда. “Қамчиқ” махсус қидирув, ёнғин-қутқарув бошқармаси қутқарувчилари, ЙПХ ва “Қамчиқавтойўл” ихтисослаштирилган йўллардан фойдаланиш унитар корхонаси ходимлари ҳамкорлигида йўлни қордан тозалаш ва музламалар ҳосил бўлишининг олдини олиш, қум-туз аралашмасини сепиш ишлари олиб борилаётир. Хавфсизлик таъминланган ҳолда, довон йўли автомобиллар учун очиқ ва икки томонлама ҳаракат давом этмоқда.

Шу ўринда, Фавқулодда вазиятлар вазирлиги йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда барча ҳайдовчилардан оралиқ масофани сақлаган ҳолда ҳаракатланиш, тезликни белгиланган меъёрдан оширмаслик, автотранспорт шиналарига эътиборли бўлиш ва хавфсизлик қоидаларига риоя қилиш сўраб қолинади. Зарурат бўлмаса довон йўлига чиқмаслик тавсия этилади.  

[gallery-15234]

“Қамчиқ” махсус қидирув, ёнғин-қутқарув бошқармаси жамоатчилик билан алоқалар бўлими томонидан хабар берилишича, довон йўлида хоҳловчилар учун исиниш пунктлари ташкил этилган.

ЎзА суратлари