Өзбекстан Республикасында құқық қорғау органдарының тергеу изоляторына қамалған адамдарды алдымен міндетті медициналық тексерістен өткізуді көздейтін жаңа ережелер бекітілді.

Осыған сәйкес, медициналық тексеру барысында адамның денесінде жарақаттар немесе зақымданулар анықталған жағдайда, дереу прокурорға хабарлау тәртібі белгіленіп отыр.

Бұл тәртіпті қамтитын және тергеу кезінде адамды азаптаудың алдын алуды мақсат еткен заң жобасы Заң палатаның отырысында екінші оқылымда қаралды.

Онда айтылғандай, заң жобасы «Қылмыстық іс жүргізу кезінде қамауда ұстау туралы» заңға қосымша өзгерістер енгізу арқылы қамауға алынған азаматтарға қатысты азаптауға қарсы заң бұзушылықтардың алдын алуды көздейді.

Талқылаулар мен сұрақ-жауаптардан кейін заң жобасы депутаттар тарапынан қабылданды.