Фарғона туманида иссиқхона хўжаликлари фаолияти йилдан-йилга кенгайиб, аҳоли учун барқарор даромад манбаи сифатида ривожланиб бормоқда. Айниқса, қалампир етиштириш ҳудудда иқтисодий жиҳатдан самарали “драйвер” йўналишлардан бирига айланди.

Тумандаги Гузар маҳалласида истиқомат қилувчи тажрибали томорқачи Абдурасул Аҳмедовнинг таъкидлашича, аввал томорқада мевали дарахтлар парваришланган бўлса-да, кутилган натижага эришилмаган. Шу боис иқлим шароити ва бозор талабидан келиб чиқиб, қалампир етиштиришни йўлга қўйган.

[gallery-27134]

18 сотих майдонда жойлашган иссиқхонада замонавий томчилатиб суғориш тизими жорий этилган. 2025 йил ноябрь ойида экилган кўчатлардан айни кунларда ҳосил йиғиштириб олиш ишлари бошланган. “Қора акула” навли қалампир серҳосиллиги ва бозорбоплиги билан ажралиб туради.

Маҳаллада етиштирилаётган қалампир маҳсулотлари экспортга ҳам йўналтирилаётгани соҳанинг янада ривожланишига, ер майдонларидан самарали фойдаланишга хизмат қилмоқда.

<iframe width="560" height="315" src="https://www.youtube.com/embed/gXilzAZ5-5M?si=PjmWiHWTEwOcv1qf" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муқимжон ҚОДИРОВ(сурат,видео),ЎзА