Ливияда елдің бұрынғы басшысы Муаммар Қаддафидің екінші ұлы Сайф әл-Ислам Қаддафи қаза тапты.

DW басылымының хабарлауынша, бетперде киген төрт адам Ливияның батысында орналасқан Аз-Зинтан қаласындағы оның жеке резиденциясына басып кіріп, Сайф әл-Исламды атып кеткен.

Марқұмның жақтастары Сайф әл-Ислам Қаддафидің Ливиядағы тұрақтылық үміті жолында жанын құрбан еткенін айтып, болған қасіретке қазіргі билік құрылымын қолдаушыларды айыптаған.

53 жастағы Қаддафидің адвокаты Халид ас-Саиди оның қайтыс болғанын растады.