Солтүстік Корея Сыртқы істер министрлігі АҚШ пен Израильдің Иранға қарсы әрекетін егемендікті бұзу деп бағалап, оның «ауыр салдарға әкелуі мүмкін» екенін ескертті.

Ресми Пхеньян мұндай қадам аймақтағы тұрақсыздықты күшейтіп, халықаралық қауіпсіздікке қатер төндіретінін атап өткен. КХДР басшылығы бұған дейін өзінің ядролық бағдарламасын кері қайтаруға болмайтын үдеріс деп жариялаған болатын.

Бақылаушылардың пікірінше, Иранға қарсы соққылар Пхеньян тарапынан ядролық және зымыран бағдарламаларын жеделдетуге қосымша негіз ретінде қабылдануы мүмкін. Сонымен қатар сарапшылар Солтүстік Корея мен Иран арасындағы бұрынғы әскери-техникалық ынтымақтастық, соның ішінде Батыс елдерінде алаңдаушылық туғызған зымыран технологиялары алмасуы қайта жандануы ықтимал екенін айтады.