Putin xorijiy davlat fuqaroligiga ega bo‘lgan rossiyaliklarni Rossiya qurolli kuchlarida xizmat qilishi to‘g‘risidagi farmonni imzoladi
Bu haqda TASS axborot agentligi yozmoqda.
14 noyabrda e’lon qilingan farmonda xorijiy davlat fuqaroligiga ega yoki xorijda yashash huquqiga ega bo‘lgan Rossiya fuqarolari Rossiya qurolli kuchlariga xizmatga chaqirilishi mumkin, deyilgan.
Chaqiriq asosida hirbiy xizmatni o‘tash bo‘yicha farmonning yangi tahririga ko‘ra, Rossiya Federatsiyasi fuqarosi bo‘lgan, shu bilan bir vaqtda xorijiy davlat fuqaroligiga ega, shuningdek, xorijiy mamlakatda yashash huquqiga ega yoki xorijiy mamlakat hududida yashashini tasdiqlaydigan boshqa biror-bir hujjati bo‘lgan fuqarolar askar, matros, serjant yoki starshina unvoni bilan xizmat qilishga shartnoma tuzishi mumkin.