Россия ва АҚШ президентлари декабрдан бери илк бор телефон орқали суҳбатлашди, деб хабар берди DW нашри.

Путиннинг ёрдамчиси Юрий Ушаковнинг билдиришича, улар суҳбат давомида Эрон ва Украинадаги урушни муҳокама қилишган ҳамда  бу суҳбат Трамп ташаббуси билан бўлиб ўтган.  

Россия президенти Владимир Путин 9 март куни америкалик ҳамкасби билан телефон орқали суҳбатда Эрондаги можарони ҳал қилиш бўйича ўз таклифларини билдирган. Бу ҳақда бир нечта Россия ОАВлари Путин ёрдамчисининг баёнотига таяниб хабар тарқатди.

Кремль маълумотига кўра, Путин Украинада тинчлик ўрнатишга қаратилган воситачилик ҳаракатлари учун АҚШ ва шахсан Трампнинг саъй-ҳаракатларига ижобий баҳо берган. Суҳбат тахминан бир соат давом этган ва Кремль баёнотида айтилганидек, “ишчан, очиқ” руҳда кечган.

Суҳбатда Путиннинг айнан қандай таклифлар берганлиги очиқланмаган. Вашингтонда эса Трампнинг Путин билан бўлиб ўтган телефон суҳбати ҳозирча расман изоҳланмади.    

<iframe width="484" height="860" src="https://www.youtube.com/embed/cfgbpDTJKVo" title="Putin Tramp bilan telefon orqali suhbatlashdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>   

Кенжа Бекжонов, Анвархўжа Аҳмедов (видео), ЎзА