Россия Президенти Владимир Путин кеча давлат ташрифи билан Корея Халқ Демократик Республикаси пойтахтига етиб борди.

Олий даражали меҳмонни Пхеньян аэропортида шахсан Ким Чен Ин кутиб олди.

Шаҳар марказидаги Ким Ир Сен майдонида икки давлат раҳбарининг расмий учрашуви бўлиб ўтди.

Путин бундан олдин Пхеньянга 24 йил аввал – 2000 йил июлда, президентлик инаугурациясидан икки ой ўтиб ташриф буюрган. Ўша пайт КХДР етакчиси Ким Чен Иннинг отаси Ким Чен Ир эди.

Ким Чен Ин 2019 йил биринчи марта Владивосток шаҳрига поездда келиб, Путин билан учрашган.

РФ Президентининг ташқи сиёсат бўйича ёрдамчиси Юрий Ушаков таъкидлашича, Россия тенг ҳуқуқли мулоқот тарафдори сифатида ҳар қандай қийинчиликка қарамай, дунёнинг барча давлатлари, айниқса энг яқин қўшнилари билан ҳамкорликка очиқлигини кўрсатмоқда.

Ў.Алимов, ЎзА