Ресей президенті Владимир Путин мемлекет басшысы ретінде қайта сайлануына мүмкіндік беретін заңға қол қойды. Құжат дүйсенбіде ресми ақпараттық интернет-порталда жарияланды.

ТАСС ақпараттық порталындағы хабарға сай, қабылданған заң президенттік мерзім үшін қатаң шектеу қояды – яғни бір адамға екі реттен астам ел басқаруына тыйым салады. Сонымен бірге қазіргі мемлекет басшысы үшін мандаттарды нөлден бастап санау көзделген. Енді Владимир Путин билікті кем дегенде 2036 жылға дейін басқаруға мүмкіндігі бар - егер ол, тағы қатарынан екі рет сайланатын болса.

Құжат бойынша Ресей Федерациясының азаматы елде кем дегенде 25 жыл тұрақты тұрған, сондай-ақ бұрын басқа мемлекеттің азаматтығына немесе тұруға ықтиярхаты болмаған жасы 35-тен кем емес азаматтар мемлекет басшысы болып сайлануы мүмкін.