Шимолий Корея етакчиси Ким Чен Инга Россия президенти Владимир Путин автомобил совға қилди, дея хабар бермоқда давлат матбуоти.

Россияда ишлаб чиқарилган автомобил Кимнинг синглиси Ким Ё Ченга етказиб берилган. Автомобил марка ва модели ҳақида маълумот берилмаган. 

Ким Ё Чен акасининг миннатдорчилигини Россия томонига етказар экан, ушбу совға давлат раҳбарларининг шахсий муносабатлари юқори даражада эканлигини билдирган. 

<iframe width="650" height="420" src="https://www.youtube.com/embed/tUwWBkBbr1I" title="Putin Kim Chen Inga mashina sovgʻa qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Кимнинг “Mercedes-Maybach S600”, “Rolls-Royce Phantom” ва “Lexus LX 570” да саёҳат қилганидан маълумки у машиналарга қизиқади. Шимолий Корея раҳбари ўтган йилнинг сентябр ойида Россияга ташриф чоғида Путиннинг “Aurus Senat limuzin” ига ҳавас қилган эди. 

Икки мамлакат раҳбарлари муносабатлари Россия-Украина низолари бошлангач янада яқинлаша бошлади. Қўшма Штатлар ва унинг иттифоқчиси Жанубий Корея Москва ва Пхенян ўртасидаги ҳарбий ҳамкорлик кучайиб бораётганидан хавотир билдириб келади.

Сардорбек Поёнов, Дониёр Якубов, Улуғбек Тўхтаев (видео), ЎзА