Россия президенти Владимир Путиннинг айтишича, РФ Европа давлатлари билан зиддиятга бормоқчи эмас, лекин улар буни хоҳлашса “ҳозироқ тайёр”лигини билдирган.

Бу ҳақда у кеча АҚШ президентининг махсус вакили Стив Уиткофф билан тинчлик режаси бўйича учрашув олдидан таъкидлади.  

– Биз Европa билан можаро қилмоқчи эмасмиз, бу ҳақда юз марта айтганман, лекин агар Европа тасодифан уруш бошламоқчи бўлса, биз ҳозироқ тайёрмиз, - деди Путин.  

Россия етакчиси фикрича, бундай низо Европа учун фалокатли бўлади ва Россия – Украина зиддиятини ҳал қилиш жараёнидан Европанинг “ўзи чиқиб кетган”, чунки улар Дональд Трамп таклиф қилган тинчлик режасига Кремль қабул қилиб бўлмайдиган ўзгартиришлар киритган.  

Путиннинг таъкидлашича, агар Украина Қора денгизда Россия танкерларига ҳужумларни давом эттирса, расмий Москва бу ҳужумларда Киевга кўмаклашаётган мамлакатлар кемаларига қарши жавоб чораларини “кўриб чиқади”.  

<iframe width="640" height="420" src="https://www.youtube.com/embed/up-gT0mXP-g" title="Putin: Yevropa nizoni istasa, biz hoziroq tayyormiz" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов (видео), ЎзА