Мактабгача ва мактаб таълими вазирлиги ҳамда Таълимни ривожлантириш республика илмий-методик маркази ҳамкорлигида ҳудудларда “Таълимда психологик фаровонликни бирга яратамиз” шиори остида босқичма-босқич ўқув-семинарлари ташкил этилмоқда. Навбатдаги семинар Термиз шаҳридаги 26-умумтаълим мактабида бўлиб ўтди. Унда вилоятдаги мактабгача таълим ташкилотлари ва мактаб психологлари иштирок этди.

Арт-терапия методлари (эртак, қум арт терапияси, ижодий амалиёт) мавзусидаги машғулотлар мактаб, олий таълим ҳамда мактабгача таълим ташкилотлари психологлари томонидан олиб борилди.

[gallery-27697]

Семинар доирасида таълим жараёни иштирокчиларини самарали психологик қўллаб-қувватлаш, зўравонликка мойил педагогларни аниқлаш ва уларга психологик ёрдам кўрсатиш, буллинг, суисид, вояга етмаганлар ўртасида жиноятчиликнинг олдини олиш ва оқибатларини бартараф этиш, шунингдек, ўқитувчиларнинг касбий чарчашининг олдини олиш, стрессга бардошлилик даражасини оширишга қаратилган интерактив усуллар ҳамда симулятор ва кейслар билан ишлаш каби муҳим йўналишлар қамраб олинди.

<iframe width="1188" height="668" src="https://www.youtube.com/embed/srzL9X7iPuM" title="Psixologlar uchun o‘quv-seminari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

ЎзА фотомухбири

Жонибек ҚЎЗИМУРОДОВ олган сурат ва видео