Бу йил илк бор мамлакатимиз тарихида Олий Мажлис Қонунчилик палатаси депутатлари аралаш сайлов тизими — мажоритар ва пропорционал сайлов тизими орқали сайланади. Шу кунгача тарихимизда бўлиб ўтган сайловларнинг барчаси мажоритар тизим асосида ўтган. Пропорционал сайлов тизими эса бизнинг амалиётимизда янги.

Хўш, пропорционал сайлов тизими нима, унинг келиб чиқиш тарихи қандай? Ўзбекистонда мазкур тизимнинг қайси вариантидан фойдаланилади? Пропорционал сайлов тизимида сайланган номзодлар тақсимоти қандай бўлади? 

Кўпчилигимизни қизиқтираётган бу каби саволлар юзасидан Тошкент давлат юридик университети доценти, юридик фанлари бўйича фалсафа доктори Ҳайитжон Турдиев батафсил жавоб берди. 

Мутахассиснинг қайд этишича, пропорционал сайлов тизими 1899 йилда Бельгия мамлакатида парламентни шакллантиришда қўлланилган. Кейинчалик Скандинавия мамлакатлари, Шимолий Европа давлатларида тарқалиб, бугунги кунда дунёнинг 80 га яқин мамлакатида парламентни шакллантиришда айнан пропорционал сайлов тизимидан фойдаланиб келинади. Қирққа яқин мамлакатда эса аралаш сайлов элементи сифатида мажоритар сайлов тизими билан биргаликда қўлланилади. 

Сиёсий партияларнинг пайдо бўлиши, жамиятнинг турли қатламлари манфаатларини парламентда ифодалашга бўлган эҳтиёж пропорционал сайлов тизимининг юзага келиши ва ривожланишига олиб келган. 

Мутахассиснинг бу борадаги фикрлари билан қуйидаги видеоҳавола орқали батафсил танишиш мумкин. 

<iframe width="650" height="420" src="https://www.youtube.com/embed/1rdR4ex6jnE" title="Proporsional saylov tizimida nomzodlar qanday taqsimlanadi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Аброр Содиқов, Анвар Аҳмедов (видео), ЎзА