Корея қулупнайи ўзига хос ширин таъми, йириклиги ва серҳосиллиги билан маҳаллий навлардан ажралиб туради. Ўзбекистонда ҳам кейинги йилларда ушбу резаворнинг бир қанча турлари кенг тарқалди.

Масалан, деҳқонларимиз томонидан Корея навларидан “Seolhyang” (Сулхян) ва “Maehyang” (Махян) каби турлари етиштирилмоқда.  Улар одатда хушбўй ва мустаҳкам пўстлоққа эга бўлиб, бу омил қулупнайни узоқ масофаларга ташишга мос келади.  

Бироқ мазкур ўсимликнинг парваришига алоҳида эътибор қаратилмаса кўзланган ҳосилни олиш мушкул. Жорий йилнинг 2 февраль куни Кореянинг Чунгнам давлат университети олимлари Аграр университети билан ҳамкорликда 10 сотихлик майдонда энергия ва ресурс тежамкор иссиқхона ташкил қилиниб, ёш тадқиқотчиларнинг илмий изланишлари учун шароит яратилганди. Экилган “Seolhyang” навли қулупнайлар тўлиқ ҳосилга кириб, олимларимиз томонидан дастлабки илмий хулосалар ҳам олинди.  

Қулупнай етиштириш сирлари, агротехник тадбирлари, иситилмайдиган иссиқхоналарда парвариш қилиш, суғориш ҳамда ҳашарот ва касалликларга қарши кураш чоралари хусусида Тошкент давлат аграр университети профессори Ихтиёр Намозов ўз тавсиялари билан ўртоқлашди.    

- Кореянинг “Seolhyang” навли қулупнайини етиштиришда қандай агротехнологиялар қўлланиляпти?  

- Макро ва микроэлементлар, азотли кислота ўсимликнинг ўсиши ва ривожланиши учун муҳим. Илдизига озуқа сифатида махсус аппарат ёрдамида томчилатиб суғориш тизими орқали юборилади. Автоматлаштирилган тизим бир кунда 4 марта суғориш ишларини амалга оширади. Биз қулупнайларни август ойларида экдик. Озуқа муҳити– бу кокос қириндиси. Ушбу навнинг афзаллиги ремонтант нав ҳисобланади ва ўзининг сифат кўрсаткичлари билан алоҳида ажралиб туради.  

<iframe width="640" height="420" src="https://www.youtube.com/embed/_HM71ca5C8k" title="Professor tavsiyasi: Koreya qulupnayini yetishtirish sirlari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Ойбек Давронов, Улуғбек Тўхтаев (видео), ЎзА