Жаҳон профессионал бокс ишқибозлари орасида ўз ўрнига эга бўлган vRINGe сайти 2021 йилги кучлиларни, шов-шувли жанглар рейтингини, янги номларни, ўз услубига эга боксчиларни ва бошқа қатор йўналишларнинг соҳибларини аниқлаш мақсадида 13 та номинация бўйича бокс ихлосмандлари учун сўров эълон қилди.

Жорий йилнинг 16 январида натижалари ошкор этиладиган мазкур сўровнинг ўзбекистонлик бокс ихлосмандлари учун аҳамиятли томони, унинг бир қатор номинацияларида юртимизнинг истеъдодли профессионал боксчилари қайд этилган.

Жумладан, Бектемир Мелиқўзиев, Қудратилла Абдуқаҳҳоров, Шерзод Ҳусанов иштирокидаги жанглар сўровномадан жой олган. Улар иштирокидаги жанглар, рингдаги жанг услублари дунё профессионал боксининг эътиборли учрашувлари сифатида кўрсатиб ўтилган.

Тўлқин Рўзиев, 
ЎзА