Энг оғир вазн тоифасида украиналик боксчи Александр Усик чемпионлик камаридан воз кечди. Бутунжаҳон бокс ташкилоти (WBO) эса британиялик 30 ёшли Фабио Уордлини мазкур вазнда янги чемпион сифатида эътироф этди ҳамда мазкур йўналишнинг янгиланган рейтингини эълон қилди.

Биз учун эътиборли жиҳати, ҳамюртимиз, ҳаваскор боксда икки карра Олимпия ўйинлари ғолиби, енгилмас боксчимиз Баҳодир Жалолов WBO рейтингида 10-ўринда қайд этилди.

Эслатиб ўтамиз, Жалолов жорий йилнинг 14 ноябрь куни Тошкентда ўтказилган бокс оқшомида 14 та жанг ўтказиб, барчасида ғалабага эришган нигериялик Соломон Адебайони мағлуб этган эди.

Т.Рўзиев,

ЎзА