Ярим ўрта вазн тоифасида фаолият кўрсатаётган истеъдодли боксчимиз Шаҳрам Ғиёсов дунёнинг энг кучли профессионал боксчилари рейтингини эълон қилиб борадиган нуфузли "The Ring Magazine" нашри назарига тушди.

Ушбу нашр эълон қилган кучли боксчиларнинг ўнталик рўйхатида Шаҳрам Ғиёсов номи ҳам қайд этилди. Ҳамюртимиз ушбу рейтингнинг 8-поғонасидан жой олди. Рейтингда шунингдек, Теренс Кроуфорд, Эррол Спенс, Жерон Эннис каби чарм қўлқоп усталари номи келтирилган.  

Эслатиб ўтамиз, Шаҳрам Ғиёсов жорий йилнинг 18 июнь куни ўтказган сўнгги жангида америкалик Харольд Кальдеронни мағлуб этган эди.  

Т.Рўзиев,  

ЎзА