Буюк Британиянинг Манчестер шаҳрида ўтган профессионал бокс кечасида ўзбекистонлик ишқибозларнинг эътиборида бўлган жанглардан бири бўлди.

Боиси, мазкур мусобақанинг марказий жангида 2016 йили Рио олимпиадасида истеъдодли боксимиз Баҳодир Жалолов билан рўбарў келган Буюк британиялик Жо Жойс рингга кўтарилди.

Ҳамюртимизнинг собиқ рақиби WBO чемпионлик камари учун Янги зеландиялик Жозеф Паркерга қарши жанг ўтказди.

12 раундга мўлжалланган жангнинг 11-раундида Жойс Паркерни нокаутга учратди. Бу эса 37 ёшли Жонинг чемпионлик камарига эга чиқишини таъминлади.  

Жойснинг чемпионлик камарини қўлга киритиши ҳамда у Рио олимпиадасида ҳакамлар қарори билан Жалоловдан устун эканлиги эътироф этилгани, бугунгача ҳар иккаласи ҳам мағлубиятсиз одимлаётгани назарда тутилса, уларнинг профессионал боксда тўқнаш келиши ҳақиқатга яқиндек туюлади.

Аммо, бу тарихий учрашув бўлиш-бўлмаслиги промуотерлик компанияларнинг истак-хоҳишига боғлиқ.

Т.Рўзиев, ЎзА