АҚШнинг Калифорния штатида профессионал бокс оқшомида ҳамюртимиз Баҳодир Жалоловнинг америкалик Кёртис Харперга қарши жанги ҳамюртимизнинг кучли зарбаси оқибатида муддатидан олдин якунланди.

10 раундга мўлжалланган жангнинг 4-раундида Баҳодир рақибини бурчакка тақади ва кучли зарбаси билан Харперни мувозанатдан чиқарди. Ушбу вазиятда рефери ҳисобни очди ва жангни тўхтатди. Боксчимиз техник нокаут эвазига ғолибликни тантана қилди.  

Айтиш лозим, жангнинг 3-раундида ҳам Жалолов рақибини нокдаун ҳолатига туширган эди. Айни шу ҳолатлар 4-раундда ўз сўзини айтди.  

Ушбу ғалаба орқали ҳамюртимиз Баҳодир Жалолов профессионал боксдаги ўзининг 12-ғалабасини нишонлади.  

Т.Рўзиев, ЎзА