Пойтахтимизда Ўзбекистон стол тенниси федерацияси томонидан ташкил этилган «Pro-tur III» мусобақасида ғолиб ва совриндорлар номи маълум бўлди.

Мазкур мусобақада иштирокчилар икки кун давомида ўзаро рақобатлашди. Хотин-қизлар ўртасида ўтказилган баҳслар финалида Аделина Ҳасанова ҳамда Асел Эркебаева ўзаро баҳслашди. Кескин ва муросасиз ўтган беллашувда Аделина ғалаба қозониб, турнир ғолибига айланди. Шунингдек, ушбу йўналишда Аружан Камалова ҳамда Меҳринисо Норқулова бронза медаль билан тақдирланди.

Эркаклар ўртасидаги яккалик баҳсларида эса Шоҳрух Искандаров, Мухриддин Ражабов, Қутбидилло Тешабоев ва Хуршидбек Аҳмедов шоҳсупага кўтарилди.

Шу тариқа, «Pro-tur III» мусобақасида ғолиб ва совриндорлар қаторидан жой олган стол теннисчилар ташкилотчилар томонидан муносиб тақдирланди.  

Жавоҳир Тошхўжаев, ЎзА