Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен бірге көне Хиуаның «Ичан-қамал» кешенінің тарихи ескерткіштері мен Нуриллабой сарайын зиярат етті.

«Ашық аспан астындағы мұражай» ретінде белгілі Хиуа толық ескерткіш ретінде сақталған Орталық Азиядағы жалғыз қала. Мұнда 120-дан астам сәулет ескерткіштері орналасқан.

1990 жылы Хиуа қаласы ЮНЕСКО-ның Бүкіләлемдік мұралар тізіміне еніп, 1997 жылы оның 2500 жылдығы аталып өтілді. 2020 жылы қала Түркі әлемінің мәдени астанасы болып жарияланып, 2024 жылы Ислам әлемінің туризм астанасы болды.

Нуриллабой сарайы XX ғасырдың басында салынған. Кешенде медресе, 100-ден астам бөлмелер, галереялар бар. Сарай бөлмелерін безендіруге тек Хиуадағы білікті шеберлер ғана емес, сонымен қатар шетелдік суретшілер мен безендірушілер де қатысты, олар сарайдың шығыс бейнесіне заманауи еуропалық стильді енгізді. Бөлмелердің интерьері өздерінің каминдері, венециялық терезелері және хрустальды кулондары бар алтынмен апталған қоладан жасалған аспалы шырақтарымен ерекшеленіп тұрады.

Хиуа тарихы мен оның ғылымның дамуына қосқан үлесі, өлкенің бай мәдениеті мен өнері туралы әңгімелер қазақстандық қонақтарға үлкен әсер сыйлады.