Өзбекстан Республикасы Президентінің Ауғанстан бойынша арнайы өкілі Исматулла Иргашев Америка Құрама Штаттарының Төтенше және Өкілетті Елшісі Джонатан Дэвид Ханникпен келіссөздер жүргізді.

СІМ мәліметінше, кездесу барысында тараптар Ауғанстандағы ағымдағы жағдайды, Ауғанстан бағытында өзбек-американ диалогын дамыту перспективаларын талқылады.

«Елші Өзбекстан басшылығының Ауғанстан халқына гуманитарлық көмек көрсету саясатын жоғары бағалады»,  делінген хабарламада.

Ведомство хабарында Ауғанстан мәселесін бейбіт жолмен шешуде Өзбекстан мен АҚШ арасындағы тығыз ынтымақтастықтың маңыздылығы атап өтілген.

«Тараптар Ауғанстандағы ұлттық бітімге мүмкіндігінше тезірек қол жеткізу, сондай-ақ елдің жаңа үкіметінің халықаралық қауымдастық алдындағы міндеттемелерін орындау қажеттілігі туралы ортақ пікірге келді» делінген СІМ хабарында.