Өзбекстан Президентінің Ауғанстан бойынша арнайы өкілі Исматулла Эргашев кеше Ұлыбритания елшісі Тимоти Торлотпен кездесті.

СІМ дерегінше, сұхбат барысында аймақтық қауіпсіздік мәселелері, оның ішінде Ауғанстандағы қазіргі жағдай, сондай-ақ осы елдегі ахуалды реттеу бойынша ықтимал бірлескен күш-жігер талқыланды.

«Дипломат Өзбекстанның Ауғанстанға қатысты біртұтас өңірлік ұстанымын дамыту, елде ұзақ мерзімді бейбітшілік пен тұрақтылық орнату, ауған халқына гуманитарлық көмек көрсету жөніндегі күш-жігерін жоғары бағалады», делінген хабарламада.

Сондай-ақ Өзбекстан басшылығының БҰҰ жанынан халықаралық келіссөздер тобын құру туралы бастамасын жүзеге асыруға ерекше назар аударылғаны айтылған ведомство ақпаратында.