“Адолат” социал-демократик партиясидан Президентликка номзод Б.Абдуҳалимов самарқандлик сайловчиларни иқтисодиёт бўйича ўз таклиф ва ташаббуслари билан таништирди.

– Биз монополияга барҳам бериш, рақобатни кучайтириш тарафдоримиз – деди Б.Абдуҳалимов. – Адолатли ва рақобатбардош тадбиркорлик фаолиятини кенг жорий қилиш лозим. Биз даромадлардан ташқари, катта харажатлар учун ҳам декларация топшириш керак, деб ҳисоблаймиз. Тадбиркорларга қонуний имконият ва имтиёзлар бериш орқали маҳсулот сифатини қатъий давлат назоратига оламиз, аниқ стандартлар жорий этиб, сифатсиз маҳсулот чиқариш ҳамда нарх-навони сунъий кўтаришга қаратилган хатти-ҳаракатлар учун кучайтирилган жазо чораларини қўллаймиз. Рақамли технологияларга асосланган иқтисодиётга ўтиш бугун ҳар қачонгидан ҳам долзарб аҳамиятга эга. Аҳоли бандлигини таъминлаш соҳасида онлайн иш билан таъминлаш имконини берадиган “Рақамли иқтисодиётда аҳоли бандлигини таъминлаш концепцияси – 2030” дастурини ишлаб чиқишни таклиф қиламиз.  

Ғ.ҲАСАНОВ,  

А.ИСРОИЛОВ (сурат), ЎзА