Мемлекет басшысы Ташкент облысының Жоғарғы Шыршық ауданында салынып жатқан Футбол бойынша ұлттық құрамалар орталығында болды.

Бұл орталық Халықаралық футбол федерациялары қауымдастығымен (ФИФА) бірлесіп ұйымдастырылуда. Қазіргі таңда 8 мың орындық стадион салынды. Тағы 7 жаттығу алаңы, жағажай футболы алаңы, футзал алаңы, бассейн, сауықтыру кешені, жатақхана салу жоспарланған.

Сала шенеуніктерімен болған сұхбатта ұлттық футболға шетелден білікті техникалық директор әкелу, футбол құрылымын дамыту мәселелері сөз болды. Қарақалпақстан, Қашқадария, Жызақ, Наманган және Ташкентте облыстық базаларды ұйымдастыру, жаттықтырушылар мектебін жетілдіру жөнінде тапсырмалар берілді.

Президент футболды жастар арасында кеңінен насихаттау, оларға жағдай жасау мәселелеріне ерекше көңіл бөлді.

– Өзбекстанда футбол – сүйікті спорт түрі. Он адамның тоғызы оның жанкүйері. Осы танымалдылықты пайдалана отырып, футболды түбегейлі дамыту керек. Мысалы, елімізде 10 мың мектеп, 208 аудан-қала бар. Сонымен, мектепте, ауданда, командада футбол қалай? Екіншіден, футболды жақсы көретін балалар өз жолын табуы үшін не істеуіміз керек? Үшіншіден, жастар футболдан кеткен соң немен айналысатынын, оларға қосымша мамандық беруді ойластыру керек, – деді Шавкат Мирзиёев.

Мемлекет басшысы жас ойыншылармен де сұхбат құрды.

– Халқымыздың спортқа деген сүйіспеншілігі күшті. Әсіресе, футбол – біздің «отбасылық досымыз». Ұлттық құрамамыздың матчтарын бәріміз мақтанышпен, толғаныспен тамашалаймыз. Отбасында ата-ананың баласысың, ал алаңда халқымыздың перзентісің. Осыны әрқашан жадыңызда ұстаңыз, – деді Президент.

Сондай-ақ футболшылар бойында Отанға деген сезімді қалыптастырудың маңыздылығы атап өтілді.

- Ойыншылар әлемді аралап, шетелдік командаларда ойнайды. Олар Өзбекстанның тарихын, жағдайын жақсы білуі керек. Олар – біздің елшіміз, балаларға үлгі, – деді Мемлекет басшысы.

Сондай-ақ футбол медицинасын дамыту және әлемдік жетістіктерге негізделген дамыту мәселелері көрсетілді.