Prezident xalqaro maydonda madaniy diplomatiyamizning o‘rni tobora ortib borayotganini ta’kidladi
Davlatimiz rahbari raisligida Respublika Ma’naviyat va ma’rifat kengashining yig‘ilishi davom etmoqda.
YUNESKO Bosh konferensiyasi sessiyalari qariyb 40 yildan buyon faqat Parijda o‘tkaziladi. 2025 yilda esa bu konferensiyaning sessiyasini birinchi marta boshqa shaharda, ya’ni, Samarqandda o‘tkazish belgilandi.
Ushbu nufuzli anjumanga Tashkilotga a’zo barcha davlatlardan vakillar tashrif buyuradi. Hech shubhasiz, bu – O‘zbekiston uchun katta ishonch, ayni paytda mas’uliyat hamdir.
Shu sababli Prezidentimiz bu yirik xalqaro tadbirga hozirdan puxta tayyorgarlik ko‘rishni boshlash kerakligini ko‘rsatib o‘tdi.
O‘zA