Rossiya ta’lim vazirligi mamlakat maktablarida o‘qitilayotgan tarix fani darsliklari qayta ko‘rib chiqilishini ma’lum qiladi.

Mahkama rahbari Sergey Kravsov “Rossiya 1” kanali efirida shunday fikrni aytgan. “Biz darsliklarni to‘liq tahlildan o‘tkazamiz”, dedi u.  

Aytish joiz, mahkama prezident Putinning tanqididan keyin shunday qarorga kelgan.  

Federal yig‘ilishga murojaatida Putin darsliklarda Ikkinchi jahon urushidagi sovet xalqining fashizmga qarshi kurashi yetarlicha yoritilmagani, ayrim voqealar mutlaqo aytilmaganiga to‘xtalib, hayrat bilan, shunday bo‘lishi ham mumkin ekan,  degan edi.