Surxondaryolik bolajonlar uchun tuhfa qilinadigan Yangi yil sovg‘asi viloyatdagi 3-15 yoshdagi 680 nafar oilaviy bolalar uylari tarbiyalanuvchilari, ota-ona qarovisiz qolgan o‘g‘il-qizlar va boquvchisi Vatanimiz tinchligi, sarhadlarimiz osoyishtaligi yo‘lida qurbon bo‘lgan Ichki ishlar, Mudofaa, Favqulodda vaziyatlar boshqarmasi, Prokuratura, Milliy xavfsizlik xizmati xodimlarining farzandlari hamda Qumqo‘rg‘on tumanidagi Muruvvat uyi tarbiyalanuvchilariga beriladi.

“Prezident sovg‘alari” tarkibiga davlatimiz rahbarining bolalarga yo‘llagan Yangi yil bayrami tabrigi, 14 turdagi shirinliklar, 3 turdagi o‘quv qurollari, elektron kitob, termos va shaxmat jihozlari kiritilgan.  

Sovg‘alar Termiz shahri va tumanlarida bo‘lib o‘tadigan "Prezident archasi" bayram tadbirlarida o‘z egalariga tantanali topshiriladi.  

Xolmo‘min MAMATRAYIMOV,  

O‘zA muxbiri