Бухорога болалар учун аталган “Президент совғалари” етиб келди.

Совғалар меҳрибонлик уйлари тарбияланувчилари, ота-она қаровисиз қолган, Ватан сарҳадларини ҳимоя қилиш йўлида қурбон бўлган ҳамда ижтимоий ҳимояга муҳтож оилалар фарзандларига берилади.  

Байрам совғаларини Бухоро халқаро аэропортида вилоят ҳокимлиги ва халқ таълими бошқармаси масъуллари кутиб олди. 3 ёшдан 15 ёшгача бўлган 549 нафар болага мўлжалланган “Президент совғалари” таркибига Ўзбекистон Республикаси Президентининг болаларга йўлланган Янги йил байрами табриги, 14 турдаги ширинликлар, 3 турдаги ўқув қуроллари, электрон китоб, термос ва шахмат жиҳозлари киритилган.  

Совғалар жорий йилнинг 29-30 декабрь кунлари вилоятнинг шаҳар ва туманларида бўлиб ўтадиган “Президент арчаси” байрам тадбирларида ўз эгаларига тантанали тарзда топширилади.  

Зариф Комилов, ЎзА