Prezident Shavkat Mirziyoyev Moskvaga keldi
O‘zbekiston Prezidenti Shavkat Mirziyoyev Rossiya Prezidenti Vladimir Putinning taklifiga binoan futbol bo‘yicha jahon chempionatining ochilish marosimida ishtirok etish uchun Moskvaga tashrif buyurdi.
O‘zbekiston Prezidenti Shavkat Mirziyoyev Rossiya Prezidenti Vladimir Putinning taklifiga binoan futbol bo‘yicha jahon chempionatining ochilish marosimida ishtirok etish uchun Moskvaga tashrif buyurdi.“Vnukovo-2” xalqaro aeroportida davlatimiz rahbari futbol bayramiga xos ko‘tarinki muhitda kutib olindi.
Bu haqda O‘zbekiston Respublikasi Prezidentining Matbuot xizmati xabar berdi.
Taomilga ko‘ra, Prezidentimizni futbol bo‘yicha 2018 yilgi jahon chempionatining ramzi – bo‘ri “Zabivaka” qarshi oldi.
Shavkat Mirziyoyev “Mundial”ning rasmiy to‘piga dastxat qo‘ydi.