Бұл туралы Өзбекстан Республикасы Президентінің баспасөз хатшысы Шерзод Асадов журналистерге арналған кезекті брифингте мәлімдеді.

Брифингте, Мемлекет басшысының өткен аптадағы қызметі туралы қысқаша ақпарат беріліп, осы аптада күтілетін маңызды оқиғалар туралы баяндалды.

12-14 қазан күндері Мемлекет басшысы Қазақстан Республикасына жұмыс сапарымен барып, Астанада Азиядағы өзара іс-қимыл және сенім шаралары кеңесінің отырысына, Тәуелсіз Мемлекеттер Достастығы Мемлекет басшылары кеңесінің кезекті отырысына және «Орталық Азия – Ресей» саммитіне қатыстыжәне сөз сөйледі.

Сапар аясында Мемлекет басшысы Түркия Республикасының Президенті Режеп Тайып Ердоған, Тәжікстан Республикасының Президенті Эмомали Рахмон, Пәкістан Премьер-Министрі Шахбаз Шариф және Вьетнам Социалистік Республикасының Вице-президенті Во Тхи Ань Суаниен кездесті. Кездесулерде екіжақты қарым-қатынастарды одан әрі дамыту, келешегі бар ынтымақтастық, бірлескен жобаларды бірлесіп жүзеге асыру мәселелері талқыланды. 

Түркі мемлекеттері ұйымының Бас хатшысы Бағдад Әміреевпен кездесуде осы жылдың қараша айында Самарқандта өтетін Түркі мемлекеттері ұйымының саммитіне дайындық мәселесі қаралды.

Бұл аптада да Мемлекет басшысының жұмыс кестесінде ішкі және сыртқы саяси мәселелер бойынша бірқатар іс-шаралар, кездесулер мен сапарлар орын алған.

Олар қатарында әкімшілік реформаларды жүзеге асыру және аграрлық стратегияда айқындалған міндеттерді жүзеге асыру мәселелерін талқылау жоспарлануда.

20-21 қазан күндері Мемлекет басшысы Түркіменстанға мемлекеттік сапармен барады.

Сапар барысында екі елдің көшбасшылары шағын және кеңейтілген құрамда келіссөздер жүргізіп, оның соңында ең алдымен сауда-экономикалық ынтымақтастыққа қатысты маңызды құжаттар топтамасына қол қойылады.

Сондай-ақ, Президенттер Ашхабад қаласында құрылған «Ташкент» саябағының ашылу салтанатына қатысып, Өзбекстан-Түркіменстан шекаралық сауда аймағын құру жөніндегі бірлескен жобаны жүзеге асыру жұмыстарын жолға қояды.

Насиржан Хайдаров(сурет), ӨзА