Өзбекстан Республикасының Президенті Шавкат Мирзияев Әзірбайжан Республикасының Президенті Ильхам Әлиевтің шақыруымен 1 наурызда жұмыс сапармен Баку қаласына келді.

Мемлекет басшысын Гейдар Әлиев атындағы халықаралық әуежайда Әзірбайжан Премьер-министрінің бірінші орынбасары Якуб Аюбов және басқа да ресми тұлғалар күтіп алды.

Бүгін Өзбекстан мен Әзірбайжан Президенттерінің кездесуі өтеді, онда көшбасшылар бұрын қол жеткізілген келісімдердің орындалу барысын талқылайды.

Ертең, 2 наурызда Бакуде ірі халықаралық ұйымдардың бірі – Қосылмау қозғалысының саммиті өтеді. Шараның пленарлық отырысында Өзбекстан Республикасының Президенті сөз сөйлейді.