2-Андижон округ сайлов комиссияси раиси Комилжон Комилов шаҳар ва туманларда бўлиб, “Муддатидан илгари Ўзбекистон Республикаси Президенти сайловини ўтказувчи комиссиялар аъзоларининг малакасини оширишни ташкил этиш концепцияси” асосида олиб борилаётган ўқув машғулотлари жараёни билан танишди.

К. Комилов ўқув машғулот иштирокчилари билан мулоқот чоғида участка сайлов комиссияларнинг қонунийлик, холислик, адолатлилик, ҳаққонийлик ва ошкоралик тамойилларига қатъий амал қилган ҳолда фаолият кўрсатишлари муддатидан илгари ўтказиладиган Ўзбекистон Республикаси Президенти сайловининг муҳим мезонларидан бири эканини айтиб ўтди.

[gallery-12243]

Концепцияга мувофиқ, ўқув машғулотлари 18-24 нафар тингловчидан иборат гуруҳлар кесимида интерактив усулларда ташкил этилмоқда. Ҳар бир мавзу бўйича савол-жавоблар, тест синовлари орқали тингловчиларнинг билимлар мустаҳкамланмоқда. Шу билан бир қаторда Марказий сайлов комиссияси томонидан тайёрланган видеороликлар  намойиш этиляпти.

<iframe width="640" height="360" src="https://www.youtube.com/embed/ZDEftTjNjFU" title="Президент сайловини ўтказувчи комиссиялар аъзолари малакаси оширилмоқда" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Зуҳриддин УМУРЗОҚОВ (сурат), ЎзА