Мурожаатномада қайд этилганидек, янги Солиқ кодексига мувофиқ, бу йилдан кўплаб янгиликлар амалиётга жорий этилмоқда. Жумладан, солиқ турлари ўн учтадан тўққизтага камайтирилди. Солиқларни тўлаш муддатини узайтириш ёки бўлиб-бўлиб тўлашга рухсат беришга енгиллаштирилган механизмлар киритилди.

Биринчи марта тадбиркорларга ички бозорда сотган маҳсулоти бўйича қўшилган қиймат солиғининг бир қисмини қайтариш тартиби жорий этилмоқда. Ушбу тартиб фақат маҳсулот экспорт қилинганда қўлланар эди. Ҳозир ички бозорга сотиш бўйича тадбиркорларни қўллаб-қувватлаш мақсадида ишлар амалга оширилаяпти. Шу йилнинг ўзида 3,4 триллион сўм ёки ўтган йилга нисбатан 2,5 баравар кўп маблағ қолади.
Энди тадбиркор томонидан тўланган ортиқча солиқ ўз муддатида қайтарилмаса, унга Марказий банкнинг асосий ставкаси бўйича бюджетдан фоиз тўланади.

Бунинг аҳамиятини тадбиркорлар, ўйлайманки ҳаммадан кўра яхши тушунади ва бу тадбиркорга жуда ёқса керак, деди Шавкат Мирзиёев.