Президент Шавкат Мирзияев Қаршы қаласындағы «Буюк турон» шағын индустриялық аймағында болды.

Мұнда қазірге дейін 2 жоба жүзеге асырылып, 500-ден астам жұмыс орны ашылды. Биылғы жылдың соңына дейін тағы 2 жоба іске қосылып, жалпы жұмыс орындарының саны 1500-ге жетеді.

Өткен жылы жұмысын бастаған «Алп Техно Сервис» ЖШС жылына 120 мың теледидар мен монитор шығаруға қауқарлы. Кәсіпорын JVC, TCL, Zimmer және басқа брендтердің аудитінен өтіп, осы атаулармен сыртқы нарыққа шығуда. Өткен жылы 3 миллион доллардың өнімі экспортталса, биыл бұл көрсеткішті 6 миллион долларға жеткізу жоспарланған.

Мұнда 70 жұмыс орны ашылған. Жақында плата мен пластмассадан жасалған бөлшектер өндірісі жолға қойылып, 30 жаңа жұмыс орны ашылады.

Президент электротехника өнімдері және олардың өндіріс процесімен танысты. Кәсіпорын жұмысшыларымен сұхбат құрды.