ФОТОРЕПОРТАЖ

Aндижон шаҳридаги Президент мактабида 2023/2024 ўқув йили якуни муносабати билан битирув тадбири ўтказилди. Унда давлат ва жамоат ташкилотлари вакиллари, педагоглар, ўқувчилар ва уларнинг ота-оналари иштирок этди.

Тадбирда таъкидланганидек, мазкур мактабда дарслар хорижий мутахассислар билан ҳамкорликда ишлаб чиқилган ўқув режа ва “STEAM-таълим” дастури асосида инглиз тилида олиб борилади. Шунингдек, математика, физика, кимё, биология, ахборот технологиялари ҳамда хорижий тилларни илғор таълим услуби асосида чуқур ўргатиш йўлга қўйилган. Бундай таълим тизими орқали болада креативлик, қунт, қизиқувчанлик каби қобилиятлар янада ривожланади.

[gallery-17920]

2021 йилнинг октябрида фаолиятини бошлаган мазкур мактабда ҳозирда 163 нафар ўқувчи таҳсил олмоқда. Якунланган ўқув йилида мактабни 19 нафар ўқувчи тамомлади. 

<iframe width="853" height="480" src="https://www.youtube.com/embed/DMWnWVuLxv0" title="Prezident maktabida bitiruv tadbiri" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Битирувчи ўқувчиларнинг барчаси 100 фоиз кўрсаткичда хорижий тил билиш сертификати IELTSдан энг юқори 8 балл, энг қуйиси эса 7 баллни олган. SAT халқаро академик баҳолаш тестдан 12 нафар ўқувчи юқори кўрсаткичга эга бўлди. Икки нафар битирувчи эса дунёдаги топ университетларнинг, умумий қиймати 577 минг 728 АҚШ доллари миқдоридаги грантига эга бўлди. Қолган битирувчиларга ҳам қабул хатлари келишда давом этмоқда. 

Зуҳриддин УМУРЗОҚОВ (сурат, видео), ЎзА