Пойтахтнинг энг кучли стол теннисчилари аниқланди
Тошкент давлат транспорт институти спорт мажмуасида стол тенниси бўйича 19 ёшгача бўлган ўсмирлар ва қизлар ўртасида Тошкент шаҳар чемпионати ўтказилди.
Мусобқада 120 нафарга яқин истеъдодли спортчи ғолиблик учун кураш олиб борди.
Шиддатли ўтган ўйинлар якунида ўғил болалар орасида Довуд Лутфуллаев ғолибликка эришган бўлса, совринли ўринлар Баҳодир Эргашалиев, Жавоҳир Истамов ва Диёр Дилшодовга насиб этди. Қизлар ўртасида эса Диана Полегаева Тошкент шаҳар чемпионлигини қўлга киритди. Кунсулу Қўшмуротова кумуш, Фархана Абдуқаюмова ҳамда Робия Маҳмудова бронза медалларига эга чиқди.
Чемпионатда ғолиб ва совриндор бўлганлар диплом, медаль, фахрий ёрлиқ ва эсдалик совғалари билан тақдирланди.
Т.РЎЗИЕВ, ЎзА