Хабарингиз бор, Тошкентнинг “Пахтакор” клуби жорий йилги мавсумга муносиб тайёргарлик кўриш учун бир неча босқичли ўқув-йиғин машғулотларини ўтказмоқда.

Жамоа дастлабки йиғинни 6 январь куни Тошкентда бошлаган бўлса, айни дамда Қибрайдаги клуб базасида давом эттирмоқда. Мазкур йиғинда футболчилар асосан жисмоний ҳолатни янада яхшиловчи, техник ва тактик машқларни бажармоқда.  

Маълумот ўрнида, “Пахтакор” жамоаси мамлакатимиздаги йиғиндан сўнг Туркиянинг Анталия шаҳрида икки босқичли ўқув-йиғин машғулотларини ўтказади. Ушбу йиғиннинг дастлабкиси 17–30 январь кунлари ўтказилади.  

Анталия шаҳрида йиғин доирасида “шерлар” 22 январь куни Шимолий Македониянинг "Струга", 24 январда Косовонинг "Приштина" ва  30 январь санасида Болгариянинг "Ботев" жамоаларига қарши назорат ўйинида майдонга тушади.

<iframe width="650" height="420" src="https://www.youtube.com/embed/0m0al8G8SCo" title="Poytaxtning bosh jamoasi mashg‘ulotlari davom etmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, ЎзА