Oʻzbekiston Respublikasi Milliy gvardiyasi otliq eskadroni, Ichki ishlar vazirligi otliq bataloni hamda mamlakatimiz yilqichilik va ot sporti federatsiyasi tomonidan tashkil etilgan paradda ingliz, nemis, qirgʻiz, qorabayir va friz zotlariga mansub otlar bilan 100 dan ortiq chavandoz saf tortdi.

– Katta farzandim Abubakr yetti yoshda boʻlishiga qaramasdan chavandozlikka qiziqadi. Bugun oʻgʻlim turli zotdor otlarni koʻrib juda quvondi, – deydi Inomjon Mahmudov. – Bunday paradlar doimo elimizga katta zavq bagʻishlaydi. Ustoz va murabbiylar kuni munosabati bilan tashkil etilgan mazkur parad qalbimizdan oʻchmas iz qoldirdi.