O‘zbekiston Kinematografiya agentligi, "Yoshlik" studiyasi tomonidan Yangi yil bayrami munosabati bilan "Debyut - 2021" yoshlar milliy kinofestivali o‘tkaziladi.

Unda yil davomida yosh kinoijodkorlar tomonidan yaratilgan eng sara qisqa metrajli filmlar tanlab olinib, g‘oliblar maxsus mukofotlar bilan taqdirlanadi.

Shuningdek, bir hafta davom etadigan milliy festivalda mahorat darslari, pitchinglar, turli janrdagi qisqa metrajli filmlarning taqdimoti, yoshlar uchun shou-konsertlar tashkil etiladi.

Kinematografiya agentligi axborot xizmati ma’lumotiga ko‘ra, kinofestival "Milliy kinematografiya — Yangi O‘zbekistonning timsoli" kinooyligi doirasida 21-28 dekabr kunlari bo‘lib o‘tadi. Kinooylik esa 2022 yil 14 yanvargacha davom etadi.

Gulnoza Boboyeva, O‘zA