Жорий йилнинг 10-13 декабрь кунлари «Ўзэкспомарказ»нинг барча павильонларида юртимиз саноати соҳаси ютуқларига бағишланган “Республика тармоқлараро саноат ярмаркаси” бўлиб ўтмоқда. Мазкур тадбир саноат соҳасини ривожлантириш, мамлакатимизнинг йирик саноат ташкилотлари ўртасидаги кооперация алоқаларини мустаҳкамлашга қаратилган бўлиб, унда республикамизнинг барча ҳудудларидан 800 нафарга яқин тадбиркорлик субъектлари ўз маҳсулотлари билан иштирок этмоқда.

Саноат ярмаркасида кичик ва йирик корхоналар ўзларининг 6200дан ортиқ энг сўнгги ишланмалари билан қатнашмоқда. Бу ерда ишлаб чиқарувчилар ва истеъмолчилар ўртасида тенг манфаатли шартномалар тузиш, корхоналар фаолияти билан яқиндан танишиш учун ўзига хос майдон ҳосил бўлган. 

Бундан ташқари ярмаркада 43 нафар ногиронлиги бўлган фуқароларнинг 300 дан ортиқ маҳсулоти ҳам намойишга қўйилган. 

Ярмарка ўзбекистонлик ишлаб чиқарувчиларнинг ютуқларини кўз-кўз қилиш, хорижий ҳамкорлар топиш, истиқболли лойиҳаларга инвестициялар жалб қилиш, инновацион технологиялар билан танишиш имконини тақдим этади. 

<iframe width="650" height="420" src="https://www.youtube.com/embed/38yNF7xFHJg" title="Poytaxtimizda tarmoqlararo sanoat yarmarkasi ish boshladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Дониёр Якубов, Улуғбек Тўхтаев (видео), ЎзА