Toshkent shahridagi "Paxtakor" va "Yoshlik" qilichbozlik zalida kadetlar yosh toifasidagi qilichbozlar o‘rtasida Osiyo kubogi musobaqasiga start berildi.

Osiyo kubogida mamlakatimiz qilichbozlaridan tashqari, Gruziya, Belarus, Qirg‘iziston, Iroq, Qozog‘iston, Indoneziya, O‘mon, Yangi Zelandiya, Tojikiston va Makao davlatidan kelgan 207 nafar sportchi bahs olib bormoqda. 13 sentyabr kuniga qadar davom etadigan mazkur kubok bellashuvlari sablya, rapira va shpaga qurollari bo‘yicha o‘tkaziladi. 

Bugun, 9 sentyabr kuni musobaqa dasturiga ko‘ra, o‘g‘il bolalar rapira bo‘yicha, qizlar esa sablya yo‘nalishida yakkalik bellashuvlarida medallar uchun raqobatlashadi. 

Musobaqa dasturi quyidagicha:

10 sentyabr – qizlar (rapira, shaxsiy), o‘g‘il bolalar (rapira, jamoaviy), qizlar (sablya, jamoaviy).

11 sentyabr – qizlar (rapira, jamoaviy), o‘g‘il bolalar (sablya, shaxsiy), qizlar (shpaga, shaxsiy).

12 sentyabr – o‘g‘il bolalar (shpaga, shaxsiy), qizlar (shpaga, jamoaviy), o‘g‘il bolalar (sablya, jamoaviy).

13 sentyabr – o‘g‘il bolalar (shpaga, jamoaviy). 

Javohir Toshxo‘jayev, O‘zA