Chilonzor tumanida “Yosh kitobxon” tanlovi hamda “Zakovat” intellektual o‘yini bo‘lib o‘tdi. Mahalla yoshlari o‘rtasidagi loyihalarda respublika bo‘yicha 4 million 399 ming 40 nafar, maktab o‘quvchi-yoshlari o‘rtasidagi loyihalarda qatnashish uchun esa 1 million 657 ming 989 nafar o‘quvchi ro‘yxatdan o‘tgan.

Shuningdek, Uchtepa tumani O‘rikzor va Zarafshon mahallalarida “Besh tashabbus olimpiadasi” doirasida ko‘chalararo mahalla bosqichi va sinflararo maktab bosqichlarining yopilish marosimi bo‘lib o‘tdi.

Sarhisobga ko‘ra, ushbu olimpiadada munosib ishtirok etib, sovrinli o‘rin egallagan yoshlarimiz medal, diplom va esdalik sovg‘alari bilan taqdirlandi.

Mahallalararo sektor bosqichi 25 sentyabrdan 5 oktyabrgacha bo‘lib o‘tishi rejalashtirilgan.

Gulnoza Boboyeva, O‘zA