Majburiy ijro byurosi Toshkent shahar boshqarmasi va uning hududiy bo‘limlari ish yurituvida bolalarning moddiy ta’minoti va aliment undiruvi bilan bog‘liq 29 mingga yaqin ijro hujjati mavjud.

Shundan  yil boshidan  buyon 1,5 mingdan ziyodi tamomlangan va tugatilgan. Xususan, voyaga yetmaganlar foydasiga  82,8 milliard so‘m miqdoridagi aliment qarzdorligi undirilgan.

Aliment to‘lashdan bo‘yin tovlab kelgan  286 nafar qarzdor shaxsga nisbatan ma’muriy ishlar qo‘zg‘atilib, mazmunan ko‘rib chiqish uchun sudlarga yuborilgan.

Qo‘llanilgan ma’muriy jazodan tegishli xulosa chiqarmay, aliment to‘lashdan bo‘yin tovlagan 30 nafar qarzdor shaxslarga nisbatan joriy yilning yanvar,  fevral oylari davomida  jinoyat ishlari qo‘zg‘atilib, surishtiruv harakatlari olib borilgan.

Bu boradagi ishlar davom ettirilmoqda.

N.Abduraimova, O‘zA