Наманганда гандбол бўйича ўтказилган ўсмирлар ўртасидаги Ўзбекистон чемпионатида пойтахт жамоаси 1-ўринни эгаллади.

Наврўз байрами кунлари мамлакатимизнинг гандбол жамоалари 2006-2007 йилларда туғилган ўсмирлар ўртасидаги Ўзбекистон чемпионатида совринли ўринлар учун баҳслашишди.

Қизғин ва муросасиз курашлар остида ўтган мамлакат чемпионатида тўртта жамоа – Наманган, Хоразм, Навоий ва пойтахт вакиллари совринли ўринларга даъвогар эканлигини намойиш этишди.

Шиддатли ўйинлар якунига кўра, наманганликлардан устун келган Тошкент шаҳар гандбол жамоаси 1-ўринни, наманганликлар ўз навбатида 2-ўринни ҳамда 3-4-ўринлар Хоразм ҳамда Навоий вакилларига насиб этди.

Ғолиб ва совриндор жамоалар ташкилотчилар томонидан медаль, диплом ҳамда эсдалик совғалари билан тақдирланди.

ЎзА